Ghulam Hashar Mein Jab Lyrics [Kalam e Naseer]

Kalam e Naseer (رحمۃُ اللہ علیہ)

Ghulam Hashar Mein Jab Sayyed ul Wara Ke Chalay Naat Lyrics

غلام حشر میں جب   سید    الوری  کے چلے

لوائے حمد  کے سائے میں سر اٹھا کے چلے

چراغ     لے   کے جو عشاق مصطفی کے چلے

ہوائے تند کے جھونکے بھی سر جھکا کے چلے

وہیں پہ تھم گئی اک بار گردش     دوراں

جہاں بھی تذکرے سلطان انبیاء کے چلے

ہے دیدنی یہ مدینے کے عاشقوں کا چلن

جبیں      پہ  خاک در مصطفی سجا کے چلے

یہ کس کا شہر قریب آرہا ہے دیکھو تو

درود پڑھتے ہوئے قافلے ہوا کے چلے

نہيں ہے کبر کی رخصت حرم میں زائر کو

ادب کا ہے یہ تقاضا   کہ سر جھکا کے چلے

وہ ان کا فقر سلیماں کو     جس   پہ رشک آئے

وہ ان کا حسن کہ یوسف بھی منہ چھپا کے چلے

سر نیاز    جھکایا    جنہوں     نے    اس   در پر

وہ خوش نصیب ہی دنیا میں سر اٹھا کے چلے

نشے کی علت حرمت میں   تھا یہ پہلو بھی

کہ پل صراط پہ مومن نہ لڑکھڑا کے چلے

طلب ہوئی سر قوسین جب شب اسری

حضور   واقف منزل تھے مسکرا کے چلے

انہیں کی زیست ہوئی   آبرو کے ساتھ بسر

جو ان کی چادر نسبت میں سر چھپا کے چلے

نظر    بہ   عالم   پاکیزگی   پڑے ان پر

مسافران     لحد   اس   لئیے نہا کے چلے

جناب   آمنہ   اٹھیں   بلائیں   لینے   کو

جو تاج سر پہ شفاعت کا وہ سجا کے چلے

نصیر   ان کے سوا کون ہے رسول   ایسا

جو بخشوانے   کو آئے تو بخشوا کے   چلے

کلام :تاجدارِ گولڑہ پیر سیّد نصیر الدّین نصیرؔ   گیلانی ^{رحمتہُ اللہ علیہ}

SHARE THIS